Facebook Twitter Google Rss

Kisi Wapsi Ka Khiyal Bhi

Sar-e-taq-e-jan Na Chiragh Hai,Pas-e-bam-e-shab Na Sahar Koi,
Ajab Ek Arsa-e-daraz Hai,Na Guman Hai Na Khabar Koi.


Nahin Ab To Koi Malal Bhi,Kisi Wapsi Ka Khiyal Bhi,
Gham-e-baikasi Ne Mita Diya,Meray Dil Main Tha Bhi Aagar Koi.


Tujhay Kia Khabar Ke Raat Bhar,Tujhay Daikh Paanay Ko Ek Nazar,
Raha Sath Chaand Kay Muntazar,Teri Khirkiyon Ke Udhar Koi.


Sar-e-shakh-e-jan Teray Naam Ka,Ajab Ek Taza Gulab Tha,
Jisay Aandhiyon Se Khatar Na Tha,Jisay Tha Khizan Ka Na Darr Koi.


Teri Bairukhi Kay Diyar Main,Ghhani Tairgi Ke Hisar Main,
Jalay Kis Tarah Se Chiragh-e-jan,Karay Kis Taraf Ko Safar Koi.


Katay Waqt Chahay Aazab Main,Kisi Khuaab Main, Ya Sarab Main,
Jo Nazar Se Door Nikal Giya,Usay Yaad Karta Hay Har Koi.

Sar-e-bazm Jitnay Chiragh Thay,Woh Tamam Ramz Shanas Thay,
Teri Chashm-e-khush Ke Lihaz Se,Nahin Boolta Tha Magar Koi.

Posted on Mar 22, 2014