Facebook Twitter Google Rss

Be Qasoor

Mamooli shakl-o-Soorat wale natho ki shadi aik khobsurat larki se hoi thi, Jo shadi k baad baara barson mai baara bachon ki maan ban gai jab k natho ki maali haalat roz ba roz kharab se kharab tar ho gai. Wo apni biwi aur bachon ko do waqt ki rotti bhi faraham nahi kar sakata tha. Us ki biwi din bhar logon k gharon mai kaam kaaj kar k barri mushkil se bache paalti thi.
Aik roz natho ko barri nadamat mehsos hoi. Us ne chat k kunday mai phanda latkaya aur raat k pichle pehr jab biwi bache soye hoe thay, Khudkashi karne laga. Phanda galay mai Dalne se pehle wo barbaraya. "Mai kisi kaam ka insan nahi hon. Mujhe mar hi jana chahiye. Mai ne apni biwi ko kia dia... Siwaye baara bachon k..."
Us ki biwi ki ain usi waqt aankh khul gai aur wo barbara k uthte hue chillai. "Natho khudkashi na karna... is mai tumhara koi qasoor nahi."

Posted on Nov 23, 2013