Facebook Twitter Google Rss

Mera Kia Jurm Hai?

mujhkoo aisay nah khudaon se daraya jaye
mera kya jurm he? itna to bataya jaye

meri pehchan ki gathrhi mujhe wapas kar do
mere chehray pay mera chehra sajaya jaye

yaad aaye hain mujhe dars mere bachpan ke
ab mujhe mere hi hathon se bachaya jaye

meri aankhon pay meri ankhen lagai jayen
ab koi qeemti pathar nah lagaya jaye

mujh mein yun doob ke hum log naye ho jayen
dono rangon se naya rang banaya jaye

Posted on May 13, 2014