Facebook Twitter Google Rss

khushboo k haath phool ka pegham reh gaya

khushbu ke hath phool ka pegham reh gaya
yeh dil ka silsila bhi sar e aam reh gaya

kehtay hain jis ne chaand ko dekha tha pehli baar
woh shakhs apnay dil ko to bas thaam reh gaya

aankhon ko moond lena tha hum ko bhi uus gharri
jab uus ka ghar suna hai kay dogham reh gaya

ay shab ! Naveed dainee thi tujh ko sehar ki aur
kiyon tere hath say bhi yahi kaam reh gaya

jab wasal ko mita diya to ne howa to phir
kiyon rait par faraaq ka yeh naam reh gaya

yun zindagi ka kaam adhoora raha batool
kuch subah reh gaya to kuch sham reh gaya

Posted on Mar 29, 2013