Facebook Twitter Google Rss

Wo Bhi Ek Shaam February Ki Thi

Wo bhi ek shaam february ki thi
Jab teri khuwab numa aankhon mai
Meri chahat ki dhanak utri thi
Jab yeh idraak hua tha mujh ko
Mere jeevan mai Ujalon k liye
Tera hona buhat zarori hai
Wo bhi kaisa haseen aalam tha
Meri chaht k har ek mausam mai
Aks tera dikhai deta tha
Jab bhi khulti thi guftago teri
Dair tak khushboun mai rehta tha
To hi mehwar tha zindagi ka meri
Juzo hasti ka manta tha tujhe
Bajiz tere paas kuch nahi tha mere
Teri chahat mera asasa thi

Wo bhi ek shaam february ki thi
Jis mai bikhray thay rang chahat k
Jis ki khushbo se bheegtay pal mai
Mere shanay pe apnsa sar rakh kar
Tu ne iqraar kia tha mujh se
Tere jeevan mai ujalon k liye
Mera hona buhat zarori hai
Tu ne us pal mai zindagi di thi
Mai ne jee li thi zindagi apni

Yeh bhi ek shaam february ki hai
Jis mai bikhray hain rang chahat hai
Jis mai yaadon ki dhund mai lipta
Tere din raat sochta hun mai
Teri har baat sochta hun mai
Juz teri yaad, paas kuch bhi nahi
Koi umeed aas, kuch bhi nahi
Dil yeh bojhal hai shidat-e-gham se
Aaj rona buhat zarori hai
Mere jeevan mai ujalon k liye
Tera hona buhat zarori hai

Wo bhi ek shaam february ki thi
Yeh bhi ek shaam february ki hai
Dil yeh bojhal hai shidat-e-gham se
Aaj rona buhat zarori hai
Mere jeevan mai ujalon k liye
Tera hona buhat zarori hai

Posted on Feb 20, 2014