Facebook Twitter Google Rss

Sabhi Chahte Hain Jee Se Mujhe

mein jaanta hon sabhi chahtay hain jee se mujhe
magar nikaal rakha hai baradri se mujhe

mein apne kamray ki batti jala ke sota hon
barri shadeed mohabbat hai roshni se mujhe

zara sa paon phisalnay pay gir gaya tha mein
ajal nikaal ke layi hai zindagi se mujhe

nah sang zann, nah koi sang, dasht chhorr aaya
junoon mein ishq howa hai gali gali se mujhe

to phir dimagh mein woh mustaqil hi rehne lagey
lagey thay pehli nazar mein jo sarsari se mujhe

mein mantaqi tha bohat der tak ulajhta raha
bacha nah paaya koi panja pari se mujhe

woh farsh-e zehan pay chupkay se paon dharti hai
koi ajeeb talluq hai aagahi se mujhe

yeh kis ki qabar mein, mein aa gira hon jeetay jee
yeh kon saanp darane lagey abhi se mujhe

milon jo tujh se to kuch keh sakun, so mashq-e sukhan .
magar ik aur bhi matlab hai shairi se mujhe

Posted on Feb 20, 2014