Facebook Twitter Google Rss

yun dil mein teri yaad utar aati hai jaise

zakhm ko phool to sar sar ko saba kahte hain
jane kya daur hai kya log hain kya kahte hain

kya qayamat hai ke jin ke liye ruk ruk ke chale
ab vahi log hamain aabla paa kahte hain

koi batalao ke ik umr ka bichara mehboob
ittefaqan kahin mil jaye to kya kahte hain

ye bhi andaz-e-sukhan hai ke jafa ko teri
ghamza-o-ishva-o-andaz-o-ada kahte hain

jab talak dooor hai tu teri parastish kar lain
ham jise chu na sakain us ko khuda kahte hain

kya tajjub hai ke ham ahl-e-tamanna ko faraz
wo jo maharum-e-tamanna hain bura kahte hain

Posted on May 19, 2011