Facebook Twitter Google Rss

mairay dil say guzaartay huay boujhal lamhon

mairay dil say guzarte huay boujhal lamho
zara thehro k meri sansen bohat madham hain
mairay ashqo ne meri aankhon say baghaawat ki hai
mairay chehray peh kise gham ki siahee hai
zindagi dard kay sehra say guzar aai hai
meri yaadion mein woh qadmon kay nishaa baqi hain
jin qadmon say woh meri aur chali aateen thi
in aankhon mein kabhi mujhkoo theka nah na mila
jin aankhon mein muhabbat ki zia payi thi
ab woh ankhain chamakti hain siyah raton mein
bay kalie aur barhati hai mairay dil ki
is ki baton mein utarti hui madham shokhi
is kay maathey say chalkti hui taron si chamak
is ka makhmoor negahon say takna mera
jis ki hiddat say murree jaa nikal jati thi
mairay bay rabt sawaalon kay jawabon mein
barray ghoar say marey chehray ko takna is ka
mairay dil kay nihaan khanaay mein chhupi baithi hain
woh yaden jo kabhi haal ka ainaa theen
woh manzar k jisay panay ko abtar sati hai nigah
woh raatain jo machalti theen mulakaton ke liye
marey dil say guzarte huay boujhal lamhoon
tum jo atay ho tou maan kay nehaan khanon mai
kise hasti ko mujassam bana detay ho
woh takhayyul kay jisay chonay ki ijazat he nahi
woh paiker jo ab kise aur ki amanat hai
mairay pehlu mein ab yaadion k siwa kya hai
ab mairay paas in kay siwa kya hai
yun nah ho k yeh mita de mujh ko
meri hasti is bay naam si kasak mein he
khaaq ho jaye aur kise ko pata he nah chalay
mairay apnay meri wehshat say gorezan ho kar
apnay hathon ko churra laein marey hathon say
meri aankhon mein ik sehraa kay siwa kuch bhi nah ho
meri palkon peh ashqo kay siwa kuch bhi nah rahay
marey dil say guzarte huay boujhal lamhoon
yeh haqeeqat bhi kise tour samajh lainay do
zindagi aik he takhayyul ka jahan tou nahi hai
kayi rang mairay ab bhi muntazir say hain
unhein daikhon, unhe samjhon, unhein apna lun mein
gham yaran say nikal kar mujhay jeeney do
hai bara habs thori saans he lay lainay do
mujhay chhorro k mujhay ab tou jee lainay do
mairay dil say guzarte huay boujhal lamhoon
zara thehro k meri sansen bohat madham hain

Posted on Oct 01, 2012