Facebook Twitter Google Rss

lateefay

Wazni Soch

Do motti auratain ikathi safar kar rahi theen. Aik boli meri roz apne khawand k sath larrai hoti hai jis ki waja se mera wazan 15 kilo kam ho chuka hai.
Dosri aurat: Phir tum apne khawand se talaq kyun nahi le leti?
Pehli aurat: Abhi nahi, abhi mujhe mazeed 15 kilo wazan kam karna hai.

Posted on Oct 21, 2013

Umeed

Do gadhay aapas mai baatain kar rahe thay.
Pehla gadha: Mera maalik mujhe par buhat zulm karta hai.
Dosra gadha: To tu bhaag kyun nahi jata?
Pehla gadha: Bhaag to jata lekin yahan mera mustaqbil barra roshan hai.
Dosra gadha: Acha! Wo Kaise?
Pehla gadha: wo aisy k malik ki beti jab shararat karti hai to wo us se kehta hai k teri shadi is gadhe se na kar di to dekh lena, bus isi umeed par ruka hun.

Posted on Oct 21, 2013

Ijazat

betay ne baap se pocha: "Abbu mai itna bara kab hun ga jab mujhe ammi se poche bagher bahir jane ki ijazat hogi."
Baap mazlomiyat se bola. "Beta itna bara to abhi mai bhi nahi hua."

Posted on Oct 08, 2013

Khush Fehmi

Aik martaba kisi mulk k baadshah ne fouj k aik chotay afsar ko imtiazi nishan ataa kia to us ne nihayat inkisari se baadshah se kaha. "Jahan panah! mai khud ko is ka haqdaar nahi samajhta, yeh tamgha mai sirf medaan-e-jang mai karnaama dikha kar hi wasool kar sakta hun."
Fouji afsar ko tawaqa thi k baadshah us ka jawab sun kar khush ho ga aur usay inaam-o-akraam se nawazay ga ya kam az kam tehseen k kalmaat to zaror kahega lekin us ki tawaqqa k barkhilaf baadshah ne kaha. "Ajeeb aadmi ho, kia tumhari khuwahish ki khatir mai jang cherr dun?"

Posted on Oct 02, 2013

Sitam Zareefi

Do dost safar par jarahe thay k raste mai raat ho gai. Wo wahin tent laga kar so gaye. Raat ko aik dost ki aankh khuli to us ne dosre dost ko jagaa kar kaha.
"Aasman ki taraf dekh kar batao k tumhe kia nazar aya?"
Dosra dost bola. "Bohat saray sitaray."
"Is se kia pata chalta hai?" pehle dost ne pocha.
"Aasman buhat khoobsurat hai aur roshni bhi." Dosre dost ne itmenan se kaha.
"Nahi bewaqoof! Koi kamina hamara tent ukhaar kar le gaya hai."
Pehle dost ne ghusay se jawab dia.

Posted on Oct 02, 2013

Bache Dil k Sache

Mama: Kyon ro rahe ho?
Bacha: Dad ne mujhe kiss nahi di.
Mama: Tum ne table nahi sunaye hunge na.
Bacha: Kaam wali ko konse table aate hain?

Posted on Sep 27, 2013

Mustaqbil

Ustaad: Pappu zameendar ki beti bhga kar le gaya,
Is k mustaqbil ka fiqra banao.
Bacha: Pappu ki namaz-e-janaza sham 6 baje ho gi!

Posted on Sep 27, 2013

Rooh Afza

Aik pagal dosre pagal se: Sab log hamen pagal kyun kehte hain?
Dosra pagal: To dafaa kar yaar yeh le timatar aur rooh afza bana.

Posted on Sep 26, 2013

Ghazal

Zindagi barri udaas hai
mujhe lagi pyas hai
mujhe dunya se na koi aas hai
ALLAH kare us ki bijli saari raat na aye
Jo kahe meri ghazal bakwas hai!

Posted on Sep 21, 2013

Maharat

Aik shakhs ne apne dost se kaha. "Mujhe to aaj maloom hua k tumhara beta gorkan hai halankay tum to kehte thay k wo doctor hai?"
Dost ne wazahat karte hue kaha. "Mai ne kabhi usay doctor nahi kaha balkay hamesha yeh kaha hai k mere bete ki rozi ka daromadar tibbi paishay ki maharat par hai."

Posted on Sep 03, 2013