Facebook Twitter Google Rss

sukoon aur musarat ki talash

mujhe maloom hai aap ko sukoon aur musarrat ki talaash hai - lekin sukoon talaash se kis terhan mil sakta hai - sukoon aur aasani to sirf in ko mil sakti hai jo aasaniyan taqseem kartay hain, jo musarraten bikhertay phirtay hain - agar aap ko sukoon ki talaash hai to logon mein sukoon taqseem karo, tumhare boray bharnay lagen ge. .. .. .. .. .. talab band karo doo. .. .. .. .. !

yeh doulat sirf dainay se barhti hai - ahmaqon ki terhan bikhertay phirnay se iss mein izafah hota hai - allah saaien ke tareeq nirale hain - sukoon ke darwazay par bhikari ki terhan kabhi nah jana, badshah ki terhan jana, jhomtay jhamtay, dete bikhertay. .. .. .. .. .. .. .. . kya tum ko maloom nahi kay bhikariyon par har darwaaza band ho jata hai, aur bhikari kon hota hai - woh jo mangay, jo sada day, taqaza kare aur shenshah kon hota hai jo day aataa kare - lutatta jaye pas jis raah se bhi guzro badshahon ki terhan guzro shanasaaoun ki terhan guzro. .. .. .. .. . dete jao dete jao - gharz o Ghayat ke baghair - shart sharait ke baghair -

~ ~ az ashfaaq Ahmed zavia 3 mohabbat ki haqeeqat safha 272

Posted on Apr 08, 2013